Царай таних технологийн тусламжтай нийтийн хэв журмыг сахиулах, оффисын бүртгэлийн систем, гэмт хэргийг шуурхай илрүүлэх боломжийг монгол залуус хиймэл оюун ухаан ашиглан бүтээжээ.

Мэдээж олон улсад царай таних технологийг ашиглаад удаж байгаа ч бусад орны дата баазыг ашиглах нь үндэсний аюулгүй байдалд сөрөг нөлөөтэй тул “ICT Group”-ын залуус сүүлийн таван жилийн хугацаанд хөгжүүлэлт хийн өнөөдөр зах зээл дээр гаргахад бэлэн болгоод байна.

Цаашлаад уг программыг улсын хэмжээнд хэрэглээд гэмт хэргийн гаралт, орчны бохирдол зэргээс сэргийлэх боломжтой бөгөөд хууль эрх зүйн орчныг боловсронгуй болгох шаардлага үүсээд байна.

---