Дэлхий даяар коронавирусийн тархалтын үеэр тогтоосон хорио цээрийн дэглэм үе шаттайгаар тавигдаж байгаатай холбогдуулан зарим улс хилээ нээж, зарим улс дотоодын нислэгүүд үйлдэж байгаа юм. Ингэхдээ вирусийн тархалт дахин нэмэгдэхээс урьдчилан сэргийлж амны хаалт зүүх, зай барих зэрэг дэг журмыг даган мөрдөхийг зааварласан.

Тэгвэл Американ Эйрлайнсийн нислэгийн үеэр амны хаалт зүүхээс татгалзсан зорчигчийг онгоцноос албадан буулгасан явдал гарчээ. Нью-Йоркоос Далласын чиглэлийн онгоцны зорчигч Брэндон Страка нислэгийн компанийн заавал сахих дүрмийн дагуу амны хаалт зүүхгүй хэмээн зөрүүдэлжээ. Зорчигчид амны хаалт зүүх ёстой гэсэн дүрмийг Американ Эйрлайнс компани хэрэгжүүлснээс хойш анх удаа зорчигчийг амны хаалт зүүхээс татгалзсаны төлөө албадан буулгасан байна.

Хэдийгээр зорчигчид онгоцон дотор амны хаалт зүүх тухай хуулинд багтаагаагүй ч нислэгийн компаниуд ажилчид болон зорчигчдодоо энэ талаар дүрмийг чанд хэрэгжүүлэхийг зааварлаад байгаа юм. Зорчигч Страка амны хаалт зүүхээс татгалзсаны улмаас тус нислэг дөрвөн минутаар хойшилжээ.

Эх сурвалж: CNN

---