Сөүл-Улаанбаатар чиглэлийн тусгай үүргийн онгоц өнөөдөр 08:43 цагт Улаанбаатараас хөөрлөө.

Тус онгоцоор Монгол улсын 266 иргэн ирнэ. Үүнд, 252 том хүн, 14 нялх хүүхэд байна. Үүнээс бага насны хүүхэдтэй гэр бүл 41, өндөр настан 16, жирэмсэн 13, хөгжлийн бэрхшээлтэй 6, эрүүл мэндийн шалтгаантай 31, БНСУ-ын Цагаачлалын албанд саатуулагдаад байгаа 77, оюутан, санхүүгийн хүндрэл, орох оронгүй болсон, ар гэрийн гачигдал зэрэг шалтгаантай 82 хүн бна.

Иргэдийг ХӨСҮТ, Цэргийн төв эмнэлэг, Хабу, Наранбулаг, Сэлбэ, Ивээлэнд тусгаарлана. Тусгай үүргийн онгоц 17.00 цагт Буянт-Ухаад газардах хуваарьтай байна.

Түүнчлэн, УОК-оос 06 дугаар сарын 19-нд Франкфурт, 06 дугаар сарын 20-нд Сөүл транзит /Зүүн өмнөд Азид бгаа иргэдийг/, 06 дугаар сарын 21-нд Сиатлл чиглэлд тусгай үүргийн нислэг хийж 760 орчим иргэнээ татаж авна.

Өчигдөр буюу зургадугаар сарын 17-ны өдөр Сөүл-Улаанбаатар чиглэлийн транзит нислэгээр 257 иргэн эх орондоо ирсэн. Тэднээс таван сэжигтэй тохиолдол илэрсэн тул ХӨСҮТ-д тусгаарласан талаар мэдээлсэн билээ.

---