Олон нийтийн дунд тэсгэл алдан хийгээ гаргах нь тийм ч таатай зүйл биш боловч үүнд мөнгөн торгууль оногдуулах нь нийтлэг тохиогоод байдаггүй үзэгдэл юм.

Австри улсын нийслэл Вена хотод нэгэн эрэгтэй хийгээ гаргасныхаа төлөө 500 еврогийн торгууль төлжээ. Энэ нь монгол мөнгөөр 1,6 сая төгрөг юм.

Вена хотын цэцэрлэгт хүрээлэнд байсан эрэгтэй цагдаагийн ажилтны дэргэд нэг ч биш нилээд хэдэн удаа хийгээ гаргасан нь олон нийтийн дунд мөрдөх дэг журмыг зөрчсөн үйлдэл хэмээн цагдаагийн газраас байр сууриа хамгаалжээ.

Цагдаагийн газрын өгсөн тайлбарт ямар ч хүн санамсаргүй байдлаар нэг удаа хийгээ гаргах нь сэжигтэй бөгөөд мөнгөн торгууль хүртэх хэмжээний үйлдэл биш ажээ.

Гэвч уг эрэгтэй сууж байсан сандал дээрээсээ өндийж байгаад цагдаагийн ажилтан руу нухацтай харж, санаатайгаар их хэмжээний хийгээ гаргасан хэмээн буруутгаж ийн торгосон байна. Эрэгтэй ч өөрт нь оноосон торгуулийг төлөхөөс татгалзаагүй ажээ.

Эх сурвалж: ВВС

---