™ watch
™ watch
АТГ-аас Улсын онцгой комиссын нэр бүхий албан тушаалтан, ажилтнуудыг тусгай үүргийн онгоцоор гаднын орнуудаас иргэдийг татахдаа албан тушаал, танил талдаа үйлчилсэн, авлига, хээл хахуульд холбогдсон байж болзошгүй үндэслэлээр шалгаж эхэлснийг эх сурвалж мэдээллээ.
Тодруулбал, БНСУ тэргүүтэй орнуудаас “Тусгай үүргийн онгоцоор иргэдээ эх оронд нь татан авахдаа нэрсийн дарааллыг удаа дараа өөрчлөн УИХ-ын гишүүн, улстөрчдийн эхнэр, хүүхдүүд, ах дүү, хамаатан садан, нэр нөлөө бүхий албан тушаалтан, бизнесмэнүүд, УИХ-ын сонгуульд нэр дэвшигчдийг нислэгт багтаан бага насны хүүхдүүд, эмчилгээний журмаар гадаадад зорчоод коронавирусийн хөл хорионы улмаас гадаадад гацсан өвчтэй иргэд, өндөр настан, жирэмсэн эмэгтэйчүүд, хөгжлийн бэрхшээлтэй иргэдийг нислэгээс хассан.
Үүний цаана авлига өгсөн үйлдлүүд байх магадлал бүхий баримтууд бий” хэмээн АТГ-т иргэд удаа дараа гомдол гаргасан байна. Үүний мөрөөр өнгөрсөн хугацаанд тусгай үүргийн нислэгээр эх орондоо ирсэн иргэдийн мэдээлэл, УИХ-ын гишүүд, нэр дэвшигчидтэй холбоо, хамаарал бүхий иргэдийн жагсаалтыг АТГ-аас гарган шалгаж байгаа аж.
Б.Энх
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.
маш зөв шалгах нь зүйтэй
Зөв. Нэг нь шалгасан болж, нөгөөх нь шалгуулсан болоод өнгөрөхгүй л байгаасай. Бас УОКт ирсэн тэр их тусламж ямар замаар зарцуулагдаж байгааг шалгаасай.
тамын тогооны үлгэр, бид яасан ард түмэн юм болоо, Атаа хорсол, ажиллаж яваа нэгнээ дэгээдэж унагах сэтгэл, бүхний түрүүнд өөрөө байх гэсэн аминч үзэл энэ бүхэн биднийг өөдлүүлэхгүй нь ээ. УОК -ыг одоо оролдож эхэллээ, энэ хүмүүс цаг наргүй л боломжоороо л асуудлыг зохицуулж байгаа . над энд ямар ч танил тал байхгүй зүгээр л энэ хандлагыг бодохоор маш гунигтай санагдлаа. Бид хөгжих болов уу
Танил тал бхгүй л юм бол чамд эдгээр гай зовлон дайраагүй л бол гай болохгүй шиг байвал яасийн
Zondoo hymyysees $1500-2000 hoorond mongo avsan bn le mash oroi shalgaj bna АТГ
Чамд баримт нь байвал дэлгээч хө. Чадахгүй бол Худлаа цуураж ажил хийж буй хүмүүсийг харлуулахаа болих хэрэгтэй.
Яг үнэн 3саяаас 4н саяын хооронд хахуул өгч баыж ирж бна монгол мөнгөөр даан ч надад луйварчдад өгөх мөнгө хүрэхгүй бна лда заавал гүйцээж өгөхгүй бол бүтгүй гн яахаа мэдэхгүй бнаа
Би оюутан хүүхдээ эргэх,биеэ үзүүлэх зорилготой ирсэн,тулгуур эрхтний бэрхшээлтэй.Монголд хөгжлийн бэрхшээлтэй,асрамжиндаа байдаг хүүхдээ айлд орхиод ирсэн,визний хугацаа дууссан.Нотлох бүх л баримт,эмнэлэгийн магадлагаагаа хавсаргаад өргөдөлөө өгөөд хүлээгээд л байдаг.Надаас ч илүү хүнд нөхцөлтэй нь яваад байгаа юм байх даа гэж бодоод байгаа минь эндүүрэл байжээ.
Би АНУ-д гацсан 58 настай 2 удаа тархинд цус харвасны улмаас хөдөлгөөний бэрхшээлтэй хүн байгаа юмаа.