Чингэлтэй дүүргийн гуравдугаар хороонд байрлах Улсын их дэлгүүр ХК-ийн барилгад гал гарсантай холбоотойгоор мэргэжлийн хяналтын 15 байцаагч хяналт шалгалт хийжээ. 

Шалгалтаар УИД ХК-ийн нэгдүгээр давхарт үйл ажиллагаа явуулж байсан “Номин тав трейд” ХХК-ийн “УИД”супермаркет болон 1, 4, 7 дугаар давхарт талбай түрээслэн үйл ажиллагаа явуулж байсан 47 аж ахуйн нэгж, иргэн /хүнс, хоол, гоо сайхан, эмийн сан/-ийг хамруулан хүнсний түүхий эд, бүтээгдэхүүн болон хүүхдийн бараа, эм, гоо сайхны барааны чанар аюулгүй байдлыг шалгалажээ.

Ингээд нийт 92 нэр төрлийн бүтээгдэхүүнээс 130 дээж авч 28 үзүүлэлтээр шинжлүүлэн, хадгалалтын горим зөрчигдсөн, чанар, аюулгүй байдлын шаардлага хангаагүй хүнсний түүхий эд, бүтээгдэхүүн /бараа/-д энэ сарын 8-ны өдрийн 02-06-061/799 дугаартай хэмжилт, шинжилгээний дүнгийн тухай дүгнэлтийг үндэслэн улсын /ахлах/ байцаагчийн 48 акт тогтоон нийт 2937 нэр төрлийн 655.500 ширхэг, 12350.9 кг, 399.34 литр, нийт 181886.67 /Нэг зуун наян нэгэн сая найман зуун наян зургаан мянга зургаан зуун далан/ төгрөгийн 15.770 тн бүтээгдэхүүнийг устгалын журмын дагуу устгасан байна. 

 

---