Франц улсын харьяа Газар дундын тэнгисийн Корсика арлын нийслэл Аяччо хотод энэ сарын 11-ний өдөр их хэмжээний хур тунадас унаж, үер буужээ. “Meteo France”-ийн мэдээлснээр тус хотод ердөө дөрвөн цагийн дотор 44 мм хур тунадас унасан нь зургадугаар сарын турш улсын хэмжээнд унадаг хур тунадасны дунджаас хоёр дахин их байгаа аж.

Замууд ширүүн урсгалтай гол болон хувирч, автомашин болон гудамжны бусад объектууд үерт урсан одож, их хэмжээний хохирол учирчээ. Гал сөнөөгчид тээврийн хэрэгсэлдээ гацсан иргэдийг аврах олон удаагийн яаралтай тусламжийн ажиллагаа явуулсан байна.

Хотын зарим хэсгээр илүү хүчтэй бороо орж, албан ёсны мэдээллээс хамаагүй өндөр буюу 120 мм хүрсэн хур тунадас орсон гэнэ. Орон нутгийн хэвлэл мэдээллийн хэлснээр энэхүү цаг уурын үзэгдлийн улмаас хүн нас бараагүй ба нэг хүн хөнгөн гэмтжээ.

Албаныхан үерийн ус татагдан, бүс нутгийг үнэлэх аюулгүй байдал бий болсон үед хохирлын хэмжээг бүрэн тогтоохоор төлөвлөж байна.

Эх сурвалж: The Watchers

---