Хонконгийн алдарт “Ocean Park” коронавирусийн улмаас дөрвөн сар гаруйн хугацаанд хаалгаа барьсны эцэст өчигдөр эргэн нээгджээ.

Зочид, ажилчид болон тэжээвэр амьтдын эрүүл мэнд, аюулгүй байдлыг хангах үүднээс уг цэнгэлдэх хүрээлэн нээлтийн эхний хоёр долоо хоногтоо нийт багтаамжийн 25 хувь буюу дээд тал нь есөн мянган хүнийг л нэг дор хүлээж авах аж. Мөн бүх зочид парк руу орохоосоо өмнө хэн улаан туяаны төхөөрөмжөөр дамжин, халуунаа шалгуулах шаардлагатай.

Түүнчлэн зочид бүгд амны хаалт зүүн, ямагт бие биеэсээ 1.5 метрийн зайд зогсон, тоглоомууд дээр нэг эгнээ алгасан суух хэрэгтэй бөгөөд дараагийн ээлжийн үйлчлүүлэгчид суухаас өмнө ажилчид тоглоомын суудал болон ойролцоох бариулуудад мөн ариутгал хийх юм.

Одоогоор энэхүү парк долоо хоногийн зургаан өдөрт ажиллах ба зарим тоглоомууд хаалттай хэвээр байна. Нээлтийн гурав дахь долоо хоногоос нөхцөл байдлыг харгалзан цэцэрлэгт хүрээлэнгийн багтаамжийг аажмаар нэмэгдүүлэн, 50 хувь буюу 18 мянган хүн нэг дор хүлээн авах үйл ажиллагаанд шилжих гэнэ.

Эх сурвалж: Global Times

---