Энэ сарын 13-нд Бээжин хот COVID-19 өвчин халдварын талаарх 114 дэхь хэвлэлийн хурлаа хийлгэв. 6 сарын 12-ны өдрийн 16 цагаас 24 цаг хүртэл Бээжин хотод COVID-19  халдварын тохиолдол дөрөв нэмэгдсэн байна.  

Уг дөрвөн тохиолдлыг COVID-19 халдварыг тусгайлан эмчлэх хотын зэрэглэлийн эмнэлэгт хүргэн эмчилж байна.

Бээжин хотод сүүлийн өдрүүдэд үүсээд байгаа өвчин халдварын улмаас тус хотын "Өвчний хяналт, урьдчилан сэргийлэх төв" энэ сарын 12-нд тусгай ажлын баг зохион байгуулж, Бээжин хотод үйл ажиллагаа явуулдаг хүнсний бөөний зах болон томоохон супермаркетуудад худалдаж байсан далайн гаралтай бүтээгдэхүүн, мах,  бусад хүнс, мөн гадаад орчноос 5424 дээж авч нуклейн хүчлээр оношлон шалгав.

Үүнд, Шинь Фа Ди хүнсний бөөний захын 40 обьект нуклейн хүчлийн шалгалтаар эерэг байв. Харин бусад хүнсний бөөний зах болон томоохон супермаркетуудын обьектын нуклейн хүчлийн шалгалтын дүн сөрөг гарчээ. Шинь Фа Ди хүнсний бөөний захад ажиллаж байсан 1940 хүн өөрийн сайн дураар оношлогоонд хамрагджээ.

Мөн, тус захын 517 бүтээгдэхүүнийг нуклейн хүчлийн оношлогоонд хамруулжээ. Үүний дүнд энд ажиллаж байсан 45 хүний арчдас нуклейн хүчлийн оношлогоонд эерэг гарчээ. Тус хотын Хайдянь дүүргийн нэгэн хүнсний захын ажилтан нуклейн хүчлийн оношлогоогоор эерэг гарчээ. Энэ ажилтан Шинь Фа Ди хүнсний бөөний захын оношлогдсон тохиолдолтой маш ойрын хавьталтай, харилцсан түүхтэй ажээ. Одоо дээрх 46 хүн нь эмнэлзүйн шинж тэмдэг илрээгүй ч тусгаарлах арга хэмжээнд хамрагдан эмнэлзүйн ажиглалт хийж байна.

Энэ сарын 13-ны 3 цагаас Шинь Фа Ди хүнсний бөөний захын үйл ажиллагааг зогсоов. Тус хүнсний захын захирлын нотолж буйгаар одоо тус захад ажилладаг 10 мянга гаруй ажилтаныг нуклейн хүчлийн шалгалтад хамруулаад байна гэв. 

С.Бүрэнбаяр 

mn.cctv.com

---