Энэтхэг улсын Махараштра мужид байдаг Лонар нуур 50,000 жилийн өмнөөс улбаатай ажээ. Гэвч ойрын хэд хоногт нуурын ус ягаан будаг хийсэн мэт өнгө нь хувирчээ.

Нутгийн иргэд эртний түүхэн нуурын өнгө ягаан болж хувирсанд ихээхэн гайхаж, яагаад өнгө нь хувирсан талаар сонирхох болсон байна. Харин мэргэжилтнүүд үүнд дараах тайлбарыг өгчээ.

Орон нутгийн шинжээчид энэ үзэгдлийг нуурын усан дахь хужир давс ихэссэн, эсвэл замаг ихтэй байгаагаас аль алинаас нь шалтгаалж өнгө нь хувирсан байж болзошгүй хэмээн үзэж байна. Австрали улс дахь Хиллер болон Америкийн Ютад байдаг давсан нууртай ижил гэсэн үг юм.

Газарзүй судлаач Гажанан Каратын хэлснээр Лонар нуурын өнгө өөрчлөгдөх явдал өмнө нь тохиолдож байсан бөгөөд тухайн үед одоогийнх шиг анхаарал хандуулаагүй гэжээ. Түүний тайлбарласнаар байгаль орчны нөлөөгөөр нуурын ус багасч, давсархаг чанар нь нэмэгдсэн тул улаан, ягаан өнгөтэй болсон байна.

Судлаачид нууранд улаан өнгийн замаг их хэмжээгээр ургасан эсэхийг шалгаж байгаа ажээ. Нуурын өнгө хувирсан шалтгааныг тогтоохоор усны дээжийг хэд хэдэн лаборатори луу илгээжээ.

Эх сурвалж: CNN

---