БНСУ-ын алдарт BTS к-рор хамтлагийн үнэнч сонсогч, шүтэн бишрэгчид арьс өнгөөр ялгаварлан гадуурхлын эсрэг Black Lives Matter хөдөлгөөний жагсагчдад зориулж нэг сая ам.долларын хандив цуглуулжээ. Уг хөдөлгөөн нь Африк гаралтай Америкийн иргэн Жорж Флойдын амь насанд цагаан арьст цагдаагийн ажилтан зүй бусаар халдаж хороосны дараа АНУ даяар газар авч өрнөсөн юм.

Тус хамтлагийн ар талыг хариуцдаг Bit Hit Entertainment компанийн мэдэгдсэнээр өөрсдийгөө ARMY хэмээн хочилсон BTS-ын шүтэн бишрэгчид #MatchAMillion хаштаг аяныг Твитер цахим сүлжээнд өрнүүлжээ. Аяныг эхлүүлээд эхний 24 цагийн дотор 817,000 ам.доллар цугласан байна. Тэд дэлхийн өнцөг булан бүрт байгаа өнгөт арьстнуудтай хамтдаа бөгөөд, гэр бүлийн чухал хэсэг хэмээн дуу хоолойгоо хүргэжээ.

Долоон гишүүнтэй алдарт к-рор хамтлаг BTS өнгөрсөн дөрөвдүгээр сард “Map of the Soul” дэлхийн аялан тоглолтоо эхлүүлэх байсан ч коронавирусийн тархалтын улмаас цуцлаад байгаа юм.

Эх сурвалж: ВВС

---