Өнгөт арьст иргэн Жорж Флойдын үхлийн дараа арьс өнгөөр ялгаварлан гадуурхах үзлийг эсэргүүцсэн тайван жагсаал 12 дахь хоногтоо АНУ даяар үргэлжилснийг эх сурвалжууд дамжуулж байна. Нийслэл Вашингтонд олон арван мянган иргэн нэгдэж гудамжинд жагссан нь тус хотод ойрын хугацаанд болоогүй томоохон хэмжээний жагсаал хөдөлгөөнд тооцогдож байна.

Аюулгүйн хүчнийхэн жагсагчдыг Цагаан ордонд ойртохоос сэргийлж хамгаалалт гаргажээ. Түүнчлэн бямба гарагт Нью-Йорк, Чикаго, Сан Франциско зэрэг бусад 10 гаруй хотод жагсаал болсон ба Флойдын төрсөн Умард Кэролинад түүний дурсгалд хүндэтгэл үзүүлсэн байна.

Америкийн хотуудаас гадна бусад улс орнуудад эсэргүүцлийн жагсаал үргэлжилжээ. Тухайлбал Их Британи, Австралийн томоохон хотууд, Франц, Герман, Испани улсуудад арьс өнгөөр ялгаварлан гадуурхахыг эсэргүүцэн иргэд жагсчээ.

Эх сурвалж: ВВС

---