АНУ-ын Засгийн газар энэ сарын 16-ны өдрөөс эхлэн БНХАУ-аас ирэх зорчигч тээврийн нисэх онгоцуудад хориг тавихаа мэдэгдээд байгаа. Энэ нь дэлхийн хамгийн хүчирхэг эдийн засагтай хоёр гүрний худалдааны зөрчил цар тахлын үед ч үргэлжилсээр байгааг илтгэсэн үйлдэл юм.

Хятадын Засгийн газар коронавирусийн халдварын улмаас түр зогсоогоод байсан нислэгүүдээ дахин эхлүүлсэн ч АНУ-ын нислэгийн компаниудын үйл ажиллагааг эргэн сэргээхээс татгалзсан тул Вашингтон дахь тээвэр зуучлалын газраас дээрх шийдвэрийг гаргажээ. Гэхдээ энэ асуудлыг шийдвэрлэхээр үргэлжлүүлэн ажиллана гэж мэдэгдэв. Ерөнхийлөгч Дональд Трамп шийдвэрийг бататгах үлдэж байна.

Энэ сарын дундаас Америкийн Засгийн газар Air China, China Eastern Airlines, China Southern Airlines, Hainan Airlines зэрэг дөрвөн компанийн нислэгийг хориглож байгаа юм. Хэдийгээр нислэгүүд цөөрсөн ч эдгээр дөрвөн компани цар тахлын үед хоёр улсын хооронд үйл ажиллагаагаа зогсоогоогүй байжээ. Вашингтон дахь Хятадын элчин сайдын яамнаас энэ талаар байр сууриа илэрхийлж мэдэгдэл хийгээгүй байна.

Эх сурвалж: ВВС

---