УИХ-ын сонгуулийн тухай хуульнд цахим орчин ашиглан сонгуулийн сурталчилгаа явуулах тодорхой зохицуулалтууд хийгдсэн. Энэ дагуу  зохицуулалт бий болсон. 

Улсын Их Хурлын сонгуулийн тухай хуулийн 47.1-т  зааснаар цахим орчинд гурван хэлбэрийн цахим хуудсыг ашиглаж болохыг заасан. 

1.Нэр дэвшигчийн болон нам, эвслийн өөрийн тус бүр нэг цахим хуудас  
2.Цахим орчин дахь олон нийтийн сүлжээний цахим хуудас /фэйсбүүк, твиттер, инстаграм/ гэх мэт
3.Бусад цахим хуудас

Энэ сонгулуийн сурталчилгаа явуулах цахим хуудас, вэбсайтууд харилцааны холбооны зохицуулах хороонд бүртгүүлсэн байх ёстой юм.

Тэгвэл өнөөдрийн байдлаар сонгуулийн сурталчилгаа явуулахаар 250 орчим мэдээ, мэдээллийн вэбсайт Харилцаа холбооны зохицуулах хороонд бүргүүлжээ. Харин 140 орчим фэйж хуудас албан бичгээр бүртгүүлсэн байна. 

Мөн 2020 оны зургаадугаар сарын 02-04-ний хооронд бүртгүүлсэн нэр дэвшигчдийн цахим хуудасны мэдээлэл аймаг, нийслэлийн сонгуулийн хорооноос ирж байна. Одоогийн байдлаар 180 нэр дэвшигчийн фэйсбүүкийн цахим хуудас, хаягийг бид Фэйсбүүк компанид хүргүүлсэн. Ингэснээр  тухайн хуудас, хаягууд нь тодорхой хамгаалалтад орох юм. 

Цахим орчин ашиглан сонгуулийн сурталчилгаа явуулах, түүнд хяналт тавих журмыг зөрчвөл хувь хүн 5 сая, хуулийн этгээд 50 сая төгрөгөөр торгуулха зохицуулат тусгагджээ. 

---