Миннеаполис хотын оршин суугч өнгөт арьстай иргэн Жорж Флойдын хүзүүн дээр 10 минут орчмын турш өвдөглөж амьсгалыг нь боогдуулсан цагаан арьст цагдаа Дерек Шовиныг гуравдугаар зэргийн хүн амины гэмт хэрэг үйлдсэн гэх үндэслэлээр баривчлан саатуулаад байгаа юм. Харин хохирогчийн өмгөөлөгч түүнийг урьдчилан төлөвлөсөн, зохион байгуулалттайгаар нэгдүгээр зэргийн хүн амины гэмт хэрэг үйлдсэн гэж буруутгасан билээ.

Тэгвэл цагдаагийн офицер асан Дерек Шовины эхнэр Келли Шовин салах өргөдлөө өгч, овгоо солиулахыг хүссэн байна. Хатагтай Келли нөхөртэйгээ 2010 оны зургадугаар сард гэрлэсэн бөгөөд Дерекийг өнгөрөгч тавдугаар сарын 25-ны өдөр Жорж Флойдын аминд хүрснээс хойш гурав хоногийн дараа буюу 28-ны өдөр салахаар шийджээ. Маргааш нь цагдаа Дерек Шовиныг хүн амины гэмт хэргээр ялласан байна.

Миннесота мужийн гэрлэсэн гоо бүсгүйн тэмцээнд 2018 ялж байсан эхнэр нь хамтран эзэмшдэг үл хөдлөх хөрөнгүүдээ өөр дээрээ шилжүүлэн авахыг хүссэн ба бусад машин, банкны дансаа ижил тэнцүү хувааж, салалтын тэтгэмж авахгүй гэжээ. Келли нь Лаост төрж, гэр бүлээрээ АНУ-д цагаачлан ирсэн бөгөөд урьд өмнө Тао болон Шионг гэсэн нэрнүүдээр овоглож байжээ. Нөхөр нь хайртай дотно гэр бүлдээ болон бусад хүмүүст худал хэлсэн нь салах шалтгаан болсон хэмээн тайлбарлажээ.

Эх сурвалж: CNN

---