Цагдаагийн ажилтан Дерек Човин гэгч өнгөт арьстан Жорж Флойдын аминд хүрсэн хэрэг явдлын улмаас АНУ-д олон нийтийг хамарсан үймээн үргэлжилсээр байгаа билээ. 

Өнөөдрийн байдлаар АНУ-ын 16 мужийн 25 хотын засаг захиргааны нэгжид үймээн самуун дэгдээд байгаа юм. Үүнтэй холбогдуулж, Монгол улсаас АНУ-д суугаа Элчин сайд Ё.Отгонбаяр монголчууддаа хандан сэрэмжлүүлэг бичсэн байна.

Тэрбээр "АНУ-д байгаа монголчууд гадуур болгоомжтой байхыг хүсье. Жагсаал, цуглаанд оролцох, ойрхон явах, орой үдшийн цагаар сэлгүүцэхээс түдгэлзэхийг зөвлөж байна. Цөөхөн бүлгээрээ явж танхайрах үйлдлүүд гарч байна" гэж жиргэжээ. 

---