Техас мужийн 21 настай иргэн Тайе Андерсыг замын зогсох тэмдгийг үл хайхран дүрэм зөрчсөн хэргээр саатуулахыг оролджээ. Гэвч түүнийг барих үеэр 90 настай эмээ нь байшингаас гарч ирэн цагдаа нар луу хашгичиж эхэлсэн байна.

Цагдаа нар буу тулгахад эрэгтэй хоёр гараа өргөн газарт хэвтэж, цагдаа нарыг очихид таяг тулсан настай эмээ дундуур нь орж хүүгээ аврахыг оролдсон бичлэг цахим сүлжээнд таржээ.

Цагдаагийн офицерын хэлснээр өнгөт арьстай залуу эрэгтэй хэд хэдэн удаа зугтах оролдлого хийсэн байна. Уг бичлэгийг  тавдугаар сарын 22-ны өдөр хийсэн бөгөөд 36 минутын турш баривчилгаа явуулжээ. Мидланд хотын цагдаагийн газраас зургаа хоногийн дараа бичлэгийг Facebook-т нийтэлсэн байна.

Цагдаагийн газар түүнийг хэргийн газраас зугтахыг оролдсон хэрэгт буруутгаж байна. Андерсын өмгөөлөгч цагдаа нарыг арьс өнгөөр ялгаварлан гадуурхсан үзэл гаргасан бөгөөд уг баривчилгаа нь шударга бус үйлдэл гэж үзжээ. Гэвч тэрээр цагдаа нарын шаардлагыг биелүүлэхээсээ өмнө таван минутын турш машинаасаа буугаагүй байна.

Бичлэг дээр Андерс “яагаад намайг зогсоож байгаа юм бэ” хэмээн хашгарчээ. Хариуд нь цагдаа нар “бид чамайг буудах гээгүй” хэмээн тайлбарласан байна.

Миннесота мужийн Миннеаполис хотын цагдаа өнгөт арьстай эрэгтэй Жорж Флойдын хүзүүн дээр 10 минут өвдөглөж амь насыг нь бүрэлгэсэн хэрэг арьс өнгөөр ялгаварлан гадуурхахыг эсэргүүцсэн жагсаал мөргөлдөөнийг эхлүүлээд байгаа юм. АНУ даяар хэд хэдэн хотод уг явдлыг эсэргүүцэж жагссан иргэд цагдаа нартай мөргөлджээ.

Эх сурвалж: CNN

---