Нийслэлийн Засаг дарга С.Амарсайхан захирамж гарган Үндэсний цэцэрлэгт хүрээлэнгийн захирал бөгөөд НИТХ-ын төлөөлөгч Ш.Сайхансамбуугийн Эрдэнэтуулыг үүрэгт ажлаас нь чөлөөллөө хэмээн ugluu.mn сайт мэдээллээ.

“Үндэсний цэцэрлэгт хүрээлэнгийн эзэмшил газрын эргэн тойрон дахь газрууд маш их зөрчилтэй байна. Зөвшөөрөлгүйгээр үйл ажиллагаа явуулж байгаа “Ханталст” ХХК-ийн үйл ажиллагааг зогсоо” гэдэг үүрэг даалгаврыг НЗД-ын зүгээс өгсөөр байхад ажилдаа хайнга хандсаны улмаас дөрвөн хүүхдийн амь нас хохирсон осол гаргуулсан хэмээн үзэж түүнийг ажлаас нь чөлөөлжээ.

“Нарантуул” олон улсын худалдааны төвийн эзэн, бизнесмен, улстөрч Ш.Сайхансамбуугийн төрсөн охин болох Ш.Эрдэнэтуул 2016 оны НИТХ-ын сонгуульд МАН-аас нэр дэвшин сонгогдсон бөгөөд улмаас 2016 оны есдүгээр сарын 14-ний өдөр Нийслэлийн Засаг дарга бөгөөд Улаанбаатар хотын захирагч С.Батболдын захирамжаар Үндэсний цэцэрлэгт хүрээлэнгийн захирлаар томилогдож байжээ.

---