Франц улсад бизнес уулзалтын үеэр буун дуу гарч, гурван хүн алагдаж, нэг хүн гэмтэж шархадсан хэрэг лхагва гарагт гарчээ.

Цагдаа нар хэргийн шалтгааныг хараахан тогтоогоогүй байгаа бөгөөд галт зэвсгээр халдлага үйлдсэн этгээд болон уулзалтыг зохион байгуулж байсан компани хооронд мэргэжлийн холбоо харилцаа байгааг мэдэгдсэн байна. Хэрэг гарсан Сэйнт Варент хот нь Парис хотоос баруун урагшаа 366 км-т байдаг ажээ.

Бараа материал олборлолтын компанийн барилгад болж байсан бизнес уулзалтын үеэр компанийн ажилтан гар буугаар зэвсэглэсэн этгээд дайрч орон гал нээсэн гэж зарим эх сурвалжууд дурджээ. Халдлага үйлдсэн этгээд тус компанид ямар албан тушаал хашдаг нь тодорхойгүй байгаа гэнэ. Сэжигтэн хүний аминд хүрснийхээ дараа өөрийгөө буудаж хүндээр шархдуулсан ба амь насанд нь аюултай шарх авсан гэж цагдаагийн газраас мэдэгджээ.

Хэргийг мөрдөн шалгах ажил үргэлжилж байгаа бөгөөд 30 гаруй цагдаа барилгыг хамгаалалтад авсан байна.

Эх сурвалж: CNN

---