Шинэ Зеланд улсад эзгүй хээр талд төөрч алга болсон хоёр аялагч бараг 20 хоногийн дараа эсэн мэнд олдсон талаар мэдээлжээ. 23 настай Жессика О’Коннор, Дион Рейнольдс нар тавдугаар сарын 9-ний өдрөөс хойш сураггүй болсон байна.

Тэд Кахуранги үндэсний цэцэрлэгт хүрээлэнд алхаж байгаад өтгөн манан дунд төөрчээ. Аялагчдыг олоход өндөрлөг газраас доош унаж бэртсэн байсан байна. О’Коннор нуруугаа бэртээж, Рейнольдс шагайгаа булгалжээ.

Амиа аварч үлдэхийн тулд тэд хамгийн түрүүнд ус хайж олсон байна. Эрэл хайгуулын багийнханд байршлаа мэдэгдэхийн тулд гал түлж утаа гаргаснаар олджээ.

Тэднийг олж харсан аврагчдыг тэвэрч баярлаж талархсан сэтгэлээ илэрхийлэхэд аврагчид тэдэнд шоколад бэлэглэжээ. Кахуранги нь Шинэ Зеландын Өмнөд аралд байдаг бөгөөд улсын хоёр дахь том цэцэрлэгт хүрээлэн юм.

Рейнольдс нь ахлах тогооч тул долоо хоногийн хугацаанд идэж барах хангалттай хүнстэй явсан гэж мэдээлжээ. Аялагчдыг эмнэлэгт хүргэсэн ч удалгүй гарсан байна.

Эх сурвалж: ВВС

---