Нийслэлийн төр, захиргааны байгууллагуудын ажлын цагийн хуваарь ирэх сарын 1-нээс өөрчлөлт орохоор болжээ.

Урин дулаан цаг болж, ажилчдын ажлын бүтээмжийг нэмэгдүүлэх, авто замын ачааллыг зохицуулах зорилгоор зургаадугаар сарын 1-нээс 2020 оны наймдугаар сарын 31 хүртэлх хугацаанд нийслэлийн төр, захиргааны байгууллагуудын ажил эхлэх цаг 08:00 цагт эхэлж, 17:00 цагт тарахаар болсон байна.

Нийслэлийн Засаг даргын 2019 оны А/417 дугаар захирамжаар төр, захиргааны байгууллагуудын ажлын цагийн хуваарьт зохицуулалт хийгдсэн байдаг.

Иргэдэд анхааруулж хэлэхэд энэ цагийн хуваарь яам, агентлаг болон төрийн байгууллагуудад хамааралгүй бөгөөд зөвхөн нийслэлийн төр, захиргааны байгууллагуудын ажил 08:00 цагаас эхлэх ажээ.

---