Жил бүрийн  тавдугаар сарын 22-нд "Биологийн Олон Янз Байдлыг Хамгаалах Дэлхийн Өдөр" тохиодог. Энэ жил "Байгаль бидний шийдэл" уриан дор тэмдэглэж байна. 

Энэ өдрийг тохиолдуулан Их Британийн ЭСЯ болон Монгол Улсын БОАЖЯ хамтран ард иргэдэд мэдээлэл, ойлголт өгөх виртуал үзүүлэнг Шангри-Ла Моллд байрлуулах гэж байна. Тус үзүүлэнгээр Монгол орны биологийн төрөл зүйлүүд, тэдгээрийг хэрхэн хамгаалах талаарх танин мэдэхүйн мэдээллүүд гарна. 

Их Британийн Засгийн Газар нь биологийн төрөл зүйлийг хамгаалах, зэрлэг амьтан, ургамлын хууль бус худалдааг зогсоох, уур амьсгалын өөрчлөлт зэрэгт анхаарлаа хандуулсаар ирсэн билээ.

Монгол Улсад суугаа Британийн Элчин сайд ноён Филип Малон "Биологийн Олон Янз Байдлыг Хамгаалах Дэлхийн Өдрийн" талаар:

"Биологийн олон янз байдлыг хамгаалах нь тогтвортой хөгжлийг цогцлооход нэн чухал үүрэгтэй. Бид техник, технологийн хувьд өндөр дэвшилт гаргасан ч бидний эрүүл мэнд, ус, хоол хүнс, эм, байр сууц, эрчим хүч зэрэг наад захын хэрэглээ нь эрүүл, амьд экосистемээс шууд хамааралтай. 

Дэлхий даяар нүүрлээд буй коронавирусийн тахлын үед бидний хамааралтай байдал болоод бид илүү уян хатан, дасан зохицох чадвартай болох хэрэгтэйг, улс орнууд байгаль дэлхийгээ улам илүү хамгаалах шаардлагатайг сануулж байна. Энэ жил биологийн олон янз байдлыг тэмдэглэхдээ итгэл найдвар, эв нэгдэлийг цохон тэмдэглэж байгаа бөгөөд байгаль дэлхийдээ ээлтэй ирээдүйг хамтдаа бүтээх нь  чухал юм" хэмээн онцолжээ. 

Тус виртуаль үзүүлэнгийн мэдээллийг бэлтгэхэд Лондонгийн Амьтан Судлалын Хүрээлэнгийн Монгол дахь төлөөлөгчийн газар, Дэлхийн Байгаль Хамгаалах Сангийн Монгол дахь төлөөлөгчийн газар,  Байгаль, Зэрлэг Амьтдыг Хамгаалах Нийгэмлэг, Зэрлэг Амьтан Судлал, Хамгааллын Төв, Шувуу Судлалын Нийгэмлэг,  The Nature Conservancy’ байгууллагын Монгол дахь төлөөлөгчийн газар хамтран ажиллажээ.

 

Эх сурвалж: Британийн Элчин Сайдын Яам

---