УИХ дахь Хууль зүйн байнгын хорооноос байгуулагдсан ХЭҮК-ын гишүүдийг сонгон шалгаруулах ажлын хэсэг маргааш хуралдаж, тус комиссын гишүүнд нэр дэвшүүлэх өргөдлөө өгсөн хүмүүст анхан шатны сонгон шалгаруулалт хийх аж.

Тус ажлын хэсэгтэй холбогдож ХЭҮК-ын гишүүнээр ажиллах ёс зүйгүй хүн нэрээ дэвшүүлсэн асуудлыг Ажлын хэсэг анхаарч байгаа эсэхийг тодруулахад “ХЭҮК-ын гишүүн П.Оюунчимэгтэй холбоотой гомдол манай ажлын хэсэгт өмнө нь ирсэн. Мөн тус хүнтэй холбоотой нэвтрүүлгүүдийг ажлын хэсгийн гишүүд үзсэн. ХЭҮК-ын гишүүнд нэрээ дэвшүүлсэн хүн нэг бүрээр хэлэлцэх үедээ тухайн хүнтэй холбогдолтой бүх асуудлыг нэг бүрчлэн хэлэлцэнэ. Харин П.Оюунчимэг ХЭҮК-ын гишүүнээр улирч ажиллахаар гаргасан өргөдлөө эгүүлэн татаагүй байгаа” гэх хариуг өглөө.

 

---