Дэлхий даяар коронавирусийн халдвараар таван сая гаруй иргэн өвчилснөөс 1,6 сая орчим нь АНУ-д бүртгэгдээд байна. Тус улсад Ковид-19 вирусээр халдварлаж нас барсан иргэдийн дунд өнгөт арьстнууд цагаан арьстнуудаас гурав дахин их хувь эзэлж байна.

АНУ-д коронавирусийн халдварын улмаас 95,000 орчим хүн нас баржээ. АРМ лабораторийн “Color of Coronavirus” нэртэй баримтад нас барагсдын дундах арьс өнгөний байдлын талаарх судалгааг танилцуулжээ.

Ингэхэд 100,000 хүн тутамд коронавирусээр нас барж буй хүмүүсийн 50,3 нь өнгөт арьстнууд байгаа бол, цагаан арсьтнууд 20,7, латин гаралтай иргэд 22,9, ази гаралтай 22,7 иргэн бүртгэгдсэн байна. АНУ даяар амьдардаг өнгөт арьстай 20,000 гаруй хүн буюу өнгөт арьстай хүн амын 2,000 хүн тутмын нэг нь уг вирусаар нас баржээ.

Муж нэг бүрийг тусад нь авч үзсэн статистик дүн судлаачдыг бүр илүү гайхшруулсан байна. Тухайлбал Канзас мужид коронавирусийн улмаас нас барсан өнгөт арьстнууд цагаан арьстнуудаас долоо дахин их байгаа ажээ. Мөн Вашингтон мужид зургаа дахин, Мичиган, Миссурид тав дахин, Нью-Йорк, Иллинойс, Луйзанад гурав дахин их байна.

Дээрх судалгааг улсын 40 мужид хийжээ. АНУ халдварын тархалтаар тэргүүлж байгаа ч бүх мужид хорио цээрийн дэглэмийг сулруулж эхэлсэн билээ.

Эх сурвалж: The Guardian

---