Говь-Алтай аймгийн Тонхил сумын Засаг дарга Р.Даваадоржийг цагдаагийн алба хаагчид эхнэрийнхээ амь насыг хөнөөсөн байж болзошгүй хэмээн сэжиглэн, яллагдагчаар татан баривчилжээ.

Тонхил сумын эмнэлгээс Говь-Алтай аймгийн цагдаагийн газарт эмэгтэй хүн гэртээ нас барсан байна гэх дуудлага мэдээллийг энэ сарын 15-ны өдөр өгсөн талаар бид өмнө нь мэдээлсэн билээ.

Уг дуудлага мэдээллийн дагуу Говь-Алтай аймгийн цагдаагийн бие бүрэлдэхүүн хэргийн газарт очиж шалгахад тус сумын Засаг дарга Р.Даваадоржийн эхнэр 38 настай, эмэгтэй Б нь гаднын нөлөөтэй байж болзошгүйгээр амь насаа алдсан нөхцөл байдал тогтоогдсон тул Р.Даваадоржийг яллагдагчаар татан баривчилж, шалгалтын ажлыг үргэлжлүүлэн хийж байгаа аж.

---