ДЭМБ-ын суурин төлөөлөгч Сергей Диордица монголчуудад хандаж коронавирусийн талаар мэдээлэл хийлээ.

ДЭМБ-ын суурин төлөөлөгч Сергей Диордица:

-Монгол улс маш өвөрмөц нөхцөлд байна. Гаднаас шинэ тохиолдол орж ирэхээс сайн сэргийлж байна. ДЭМБ-ын зүгээс Монгол улсын авч хэрэгжүүлж байгаа арга хэмжээг амжилттай гэж үзэж байна. 
Гэхдээ дархлаа тогтсон гэх мэт-ээр буруу ойлгож нэгнийхээ эрүүл мэндэд хохирол учруулж болохгүй. Коронавирус шинэ тутам өвчин учир бүрэн судалж амжаагүй, цаашид хэрхэхийг таах аргагүй юм.

-Зарим улсууд хөл, хориогоо аажмаар сулруулж байгаа ч цар тахал урт хугацаанд үргэлжилнэ гэсэн айдас байна. Хөл хорио цуцлах нь зөв шийдвэр үү?
-Вакцин гарах хүртэл коронавирусийн тохиолдлын тоо нэмэгдэнэ. Тиймээс үүнд дасан зохицох нь чухал. Хэрэв хориг цуцалж байгаа бол урт хугацаанд, яаралгүй хандах хэрэгтэй.

-Вакцин хэзээ гарах бол?
-Вакцин үйлдвэрлэгчдээс сонирхолтой мэдээлэл гарч байна. Зарим нь 18 сар, зарим нь 12 сарын дараа гарна гэдгийг хэлж байна. Ямартай ч тун удахгүй вакцин гарна гэж итгэж байна.

-Манай улс сонгуулиа зохион байгуулна. Сонгууль зохион байгуулах тал дээр ДЭМБ ямар зөвлөгөө өгөх вэ?
-Бид монголчуудыг сонгууль зохион байгуулахад бүх талын дэмжлэг үзүүлж ажиллана.

-Цар тахлыг 4-5 жил үргэлжилнэ гэх мэдээлэл явж байна? 
-Цар тахал 4-5 жилийн турш үргэлжилнэ гэж бодохгүй байна. Баруун Номхон далайн бүс нутгууд цар тахлыг харьцангуй сайн дарж чадаж байна. Мөн вакцин гарчихвал бүр хурдан дарах боломжтой.

---