Эрүүл мэндийн яамны 11 цагийн ээлжит хэвлэлийн бага хурал эхэллээ. Монгол улсад халдварын 98 тохиолдол бүртгэгдэж, 14 иргэн эдгэж, эмнэлгээс гараад байгаа. 

ХӨСҮТ-ийн дарга Д.Нямхүү: 

-Таван хүн эдгэж, дараагийн тусгаарлалт руу шилжлээ. Тэдгээр нь 25-55 хоног хэвтэж эмчлүүлсэн, дөрөв нь оюутан, нэг нь 55 настай, эмэгтэй байлаа. Ингээд эдгэж гарсан хүний тоо 20 болов. 

ХӨСҮТ-ийн хяналтад одоогоор 78 хүн байна. Дотор тусгаарлагдан 14 их эмч, 9 сувилагч, 9 асрагч, бусад нь ариутгагч нар ажиллаж байна. 

Нийт дөрвөн лабораторит өчигдөр 381 хүнд шинжилгээ хийхэд коронавирус илрээгүй. 

Тавдугаар сарын 1-нд Сөүл-УБ чиглэлийн нислэгээр ирсэн 132 иргэнээс давтан шинжилгээ хийхэд халдвар илрээгүй. 

---