БНФУ-д сүүлийн хоёр сарын турш тогтоогоод байсан хөл хориог Засгийн газраас сулруулж эхэлснээр энэ даваа гарагаас Парис хотын галт тэрэгний станцууд хөлд дарагдаж эхлэв.

Халдварын тархалтыг багасгах зорилгоор гуравдугаар сарын 17-ноос хойш иргэдийг гэртээ байхыг шаардсан тушаал цуцлагдсанаар ажилдаа эргэн явж байгаа иргэдэд хотын удирдлагууд амны хаалт тарааж байна. Галт тэргээр зорчигчид бүгд заавал амны хаалт зүүж, бүхээг дотор бие биеэсээ зай барих шаардлагатай гэнэ.

Түүнчлэн шинэ дүрмийн дагуу хүмүүс гэрээсээ 100 км-ийн зайд аялах боломжтой бөгөөд зарим аж ахуйн нэгж, сургуулиуд дахин нээгдэх боломжтой болжээ. Гэвч баар, ресторанууд хаалттай хэвээр байх аж.

Эх сурвалж: Euro News, Business Insider

---