НҮБ-ын зүгээс Ковид-19 цар тахал нь дэлхийн оршин суугчдын сэтгэцийн эрүүл мэндэд нөлөөлж буйг сэрэмжлүүлжээ. Ойрын долоо хоногуудад эрүүл мэндийн салбарын бусад мэргэжилтнүүд ч мөн энэ талаар анхааруулж байгаа билээ.

Өдөр тутамд коронавируст цар тахлын талаар дэлхий даяар чухалчлан мэдээлж байгаа нь ихэнх иргэдэд сэтгэлзүйн таагүй байдлыг үүсгэж байна. Тархалт хяналтаас гарахвий, хорио цээрийн үед тэвчээр алдахвий зэрэг хэд хэдэн шалтгаанаар санаа зовж, айдас үүсч байгаа ажээ. Тиймээс Дэлхий эрүүл мэндийн байгууллага коронавирусийн тархалтын үед сэтгэцийн эрүүл мэндээ хамгаалах арга, зөвлөгөөг танилцуулжээ.

Үүнд иргэд аль болох бусадтай холбоо харилцаагаа хадгалж үлдэх, уншиж байгаа зүйлсдээ цензуртэй хандаж хэт их мэдээллээс татгалзах, олон нийтийн цахим сүлжээнээс завсарлага авах, хэт их ядрахаас сэргийлэх зэрэг зөвлөмжүүд багтсан байна. Хэт их мэдээллээс татгалзсанаар коронавирусийн талаарх албан бус, худал мэдээллийг авахгүй байх сайн талтай ажээ. Тиймээс зөвхөн албан ёсны мэдээллийн сувгуудад хандахыг хүссэн байна. Мөн Твиттер зэрэг олон нийтийн сүлжээнд unfollow хийх, дохиогоо унтраахыг уриалжээ.

Эх сурвалж: ВВС

---