Улсын хэмжээнд энэ оны дөрөвдүгээр сарын байдлаар бэлгийн замаар дамжих халдварт өвчний 6496 тохиолдол бүртгэгдсэн нь нийт халдварт өвчний 54.0 хувийг эзэлж байна.

Энэ нь өмнөх оны мөн үеэс 1361 өвчлөл буюу 26.5 хувиар өсжээ. Бэлгийн замаар дамжих халдварт өвчний 30.9 хувийг заг хүйтэн, 41.1 хувийг тэмбүү, 28.0 хувийг трихомониаз тус тус эзэлж байна.

Өнгөрсөн оны мөн үетэй харьцуулахад тэмбүүгийн өвчлөл 745 тохиолдлоор өссөн ба 10 000 хүн амд ногдох тэмбүүгийн өвчлөл Сэлэнгэ 15.4, Увс 10.3, Хөвсгөл 10.3, Дорнод 10.0, Баянхонгор 8.9, Ховд 8.9 аймгууд болон Улаанбаатар хотод 9.8 хувьтай байгаа нь улсын дундаж үзүүлэлтээс өндөр байгаа юм.

ХДХВ/ДОХ-ын халдвартай хүний тоо дөрвөөр нэмэгдэж 292 болов 

Түүнчлэн өнгөрсөн оны мөн үетэй харьцуулахад халдварт өвчний тохиолдол мөөгөнцөр 759, тэмбүү 745, трихомониаз 363, заг хүйтэн 249, сүрьеэ 24, хачигт рикеттсиоз 23, А хепатит 6, С хепатит 5, ХДХВ/ДОХ 4, вирүст хепатит 2, хачигт энцеофалит 1, татран 1, хумхаа 1 тохиолдлоор тус тус нэмэгдсэн байна.
Улсын хэмжээнд 2020 оны эхний дөрвөн сарын байдлаар 27 төрлийн 12 020 халдварт өвчний тохиолдол бүртгэгджээ хэмээн Эрүүл мэндийн хөгжлийн төвөөс гаргасан судалгаанд дурджээ. 

---