Калифорни мужийн Сан Хосе хотод 200 ямаа уулнаас бууж иржээ. Тэднийг коронавирусийн хорио цээрийн үед бусдаас зай барих дүрэм, гэрээсээ гарахгүй байх зөвлөмжийг зөрчлөө хэмээн хошигнож байна.

Хотын гадна талын уул толгодод бэлчдэг ямаан сүрэг хоол тэжээл хайн 12 дахь жилдээ хотод орж ирж байгаа ч энэ удаад коронавирусийн халдвараас сэргийлж иргэд гэрээсээ гарахгүй, гудамж, зам талбай сэлүүхэн байгаа тул тэдэнд зугаатай санагдсан бололтой.

Тэд эзгүй мэт нам гүм орчинд айлуудын хашаанд ургасан цэцэг навчийг тасдан иджээ. Оршин суугчид эхэндээ тэднийг хашаанаасаа холдуулахыг хичээж, хөөж тууж байсан ч удалгүй тэдэнд зугаатай байгааг ойлгожээ.

I’m dead 😂☠️ When I got back from the store all the goats had broken through the fence and were recking havoc on our street

This is the craziest thing to happen all quarantine 🐐🐐🐐 pic.twitter.com/Hc7XpuiBdT

— Zach Roelands (@zach_roelands) May 13, 2020

Дашрамд сонирхуулахад өрнөдийн орнуудад ямааг хүрээлэн буй орчинд ээлтэй байгаль хамгаалагч гэж үздэг. Нэн ялангуяа ой хээрийн түймрийг унтраахад тун тустай гэнэ. Учир нь тэдний зажилж, хэвсэн ногоо байгалийн гал унтраагч болдог ажээ.

Эх сурвалж: The Guardian

---