Манай улсад өнөөдрийн байдлаар 945 хүн ажиглалтад байгаа. Эдгээр иргэдийн дундаас жирэмсэн байсан нэгэн эмэгтэй өнөөдөр амаржжээ. Тухайлбал, Зүчи зочид буудалд ажиглалтад байсан 25 настай эмэгтэй амаржиж охинтой болсон байна. Тэрбээр дөрөвдүгээр сарын 30-нд Сөүл-Улаанбаатарын тусгай үүргийн онгоцоор эх орондоо ирчээ.

Түүнээс хоёр удаагийн шинжилгээ авахад коронавирус илрээгүй сөрөг гарсан гэнэ. Ээж,  охин хоёрын биеийн байдал сайн байна хэмээн Эрүүл мэндийн яамнаас мэдээллээ. 

---