5-р сарын 6-нд, БНХАУ-ын үндэсний хэмжилтийн баг болон үндэсний уулын авиралтын баг хамтран 2020 онд Эверестийн өндрийг дахин нарийвчлалтайгаар хэмжин тогтоох ажиллагааг эхлүүлсэн юм. Тэд нийт 35 хүний бие бүрэлдэхүүнтэй, далайн түвшнээс дээших 5300 метр дэх баазаас Эверестийн ноён оргилыг зорин хөдөлсөн билээ. 7028 метр, 7790 метр, 8300 метрийн баазуудаар дамжсаар тавдугаар сарын 11-ний өдөр 8600 метрийн өндөрт хамгаалалтын олс тавих ажлаа урагштай биелүүлж 8300 метрийн бааздаа буцаж иржээ. Багийн ахлагч Цилүөгийн танилцуулж буйгаар энэ сарын 12-нд цаг агаарын нөхцөлийг харгалзан үзэж, зам нээх баг Эверестийн ноён оргил хүртэлх замд хамгаалалтын олс тавих юм байна. 

БНХАУ байгуулагдсанаас хойш Эверест ууланд нийт зургаан удаа ерөнхий судалгаа, шинжилгээ хийгджээ. 1975 онд Эверестийн өндрийг 8848.13 метр гэж тогтоож байсан бол 2005 онд 8844.43 метр гэж шинэчлэн тэмдэглэсэн юм. Харин энэ удаа хамгийн сүүлийн үеийн технологийг ашиглан илүү нарийвчлалтайгаар тогтоохыг зорьж байгаа юм. Эверестийн өндрийг нарийвчлалтай тогтоох нь геологийн шинжлэх ухаанд онолын чухал ач холбогдолтой юм. Мөн Энэтхэгийн далай болон Ази-Европын бүслүүр хоорондын харилцан үйлчлэлийг судлахад ашиглхгдах бөгөөд цаашид газар хөдлөлтийг урьдчилан таамаглах, гамшгаас сэргийлэхэд практик ач холбогдолтой ажээ. 

Эх сурвалж: CCTV.com

---