Япон улсын төв банк 138 жилийн түүхэнд анх удаа эмэгтэй гүйцэтгэх захирал томилжээ. 55 настай Токико Шимизу банкны өдөр тутмын үйл ажиллагаа хариуцсан зургаан шинэ гүйцэтгэх захирлын нэгээр томилогдсон байна.

Хатагтай Шимизу анх 1987 онд Японы төв банканд ажилд оржээ. Санхүүгийн зах зээлийн салбар, гадаад валютын үйл ажиллагаа хариуцан ажиллаж байгаад Европын салбар хариуцсан ерөнхий менежер болон дэвшиж 2016-2018 оны хооронд Лондон дахь ахлах төлөөлөгчийн үүрэг гүйцэтгэсэн байна.

Японы банк нь 1882 онд байгуулагдаж байсан түүхтэй. Энэ цагаас хойш нийт ажиллах хүчний 47 хувь нь эмэгтэйчүүд байснаас менежментийн түвшний ажлын байрны ердөө 13 хувийг, мэргэжилтнүүдийн 20 хувийг эмэгтэйчүүд эзэлж иржээ.

Тус банканд 1998 онд валютын бодлогын хэлтэс байгуулагдсанаас хойш удирдах түвшний шийдвэр гаргахад эмэгтэйчүүд түлхүү ажиллах болжээ. Гэвч төлөөлөн удирдах зөвлөлийн есөн гишүүн дунд ердөө ганцхан эмэгтэй байдаг байна.

Өнгөрсөн 10 жилийн хугацаанд ардчилсан өөрчлөлт эрчимчиж эмэгтэйчүүд өндөр боловсрол эзэмших нь нэмэгдсээр байгаа юм. Гэвч хүн амын 51 хувийг нь эзэмшдэг Япон улс хүйсийн тэгш бус байдлын индексээр 153 орны 121 дүгээрт буюу хүйсийн ялгаа их улсуудын нэгт багтжээ. Мөн Бүлэг 7 орон дунд сүүл мушгидаг юм.

Эх сурвалж: CNN

---