Коронавирусийн хорио цээрийн дэглэмийн үед авто зам урьд өмнөхөөсөө сэлүүхэн болж, түгжрэл арилсан нь машиныхаа хурдыг шалгах хүсэлтэй олон жолоочид боломж олгосон бололтой. Канадын Онтарио мужийн нийслэл Торонто хотын цагдаагийн газарт хурд хэтрүүлсэн 150 жолооч баригджээ. Тэдний дунд 19 настай хүү аавынхаа машинаар  308 км/цагийн хурдтай давхиж дүрэм зөрчин баригдсан байна.

Хүүг Онтариогийн Элизабет хатны хурдны зам дээр саатуулжээ. Замын цагдаагийн түрүүч Керри Шмитийн хэлснээр урьд өмнө ийм өндөр хурдтай давхисан тохиолдлыг сонсож байгаагүй гэжээ. Уг нь хатан Элизабетийн зам дээр хурдны дээд хязгаарыг 100 км/цаг гэж заасан байдаг. Зарим тохиолдолд 110 км/цаг хүрсэн тохиолдол бий. Харин аавынхаа машиныг унасан 19 настай хүү уг хязгаарыг гурав дахин нугалжээ.

Жолоочийг хурд хэтрүүлсэн, аюултай жолоодлого хийсэн хэрэгт буруутган, жолоо барих эрхийг нь долоо хоногоор хасч, аавынх нь машиныг журмын хашаанд оруулсан байна.

Замын хөдөлгөөний хянагч INRIX компанийн мэдэгдсэнээр АНУ-д ч мөн хурд хэтрүүлэх явдал ихэсчээ. Тухайлбал Чикаго, Лос Анжелес хотуудад авто зам дээр хурдлах тохиолдол урьд өмнөхөөс 75 хувиар өсчээ.

Эх сурвалж: CNN

---