Нүүрсний экспортын хэмжээ өнгөрсөн оныхтой харьцуулахад буурсан үзүүлэлттэй байгаа. Тавдугаар сарын 1-нээс хойш ногдол ашиг олгох ажлыг зохион байгуулахыг хувьцаа эзэмшигдийн хурлаар шийдвэрлэсэн. Тэрнээс бол тавдугаар сарын 1-нд олгоно гэж яриагүй. Бүртгэлийн асуудал нь ямар нэгэн зөрчилгүй иргэдийн ногдол ашгийн мөнгийг ҮЦТХТ-нд шилжүүлсэн. Жил гаруй хугацаанд хувьцааны ногдол ашиг олгоно гэж ярьсан байтал иргэд өнөөдрийг хүртэл нээлгээгүй байгаа нь хариуцлагагүй үйлдэл.

Өнөөдрийн байдлаар 1 сая 700 мянган иргэн хувьцааны дансаа нээлгэсэн ч 425 мянган иргэн банкны дансаа холбосон байна. Түүнчлэн 193 мянган иргэн банкны дансаа холбуулсан ч ҮЦТХТ-нд бүртгэгдэхээр хүлээгдэж байгаа.

Нийт 618 мянган иргэний ногдол ашгийг өгөхөд асуудалгүй. Одоогоор сая орчим иргэдийн ногдол ашгийг ҮЦТХТ-д шилжүүлсэн байгаа. 1072 хувьцааны ногдол ашгийг авах 2 сая 500 мянган иргэний мэдээлллийг шүүх амаргүй байна. Тухайлбал, ижилхэн регистрийн дугаартай мөртлөө овог, нэр нь өөр гэх зэрэг бичиг баримтыг нягталж байна.

Иргэдийн хувьд дансаа үргэлжлүүлэн нээлгэх боломжтой. Өнөөдөр бэлэн болсон иргэдийн мөнгийг шилжүүлэх гэхээр тодорхой арга хэмжээнүүдийг хянаж, шалгасны дараа шилжүүлэх болно. 

Цар тахалтай холбоотойгоор Сангийн яамтай хамтран И-баримтын дансаар ногдол ашгийг өгөх асуудлыг судалж байна. 

---