АНУ-ын Калифорни мужид коронавирусийн халдвараас урьдчилан сэргийлэх хорио цээрийн дэглэмийн хүрээнд бизнесийн байгууллагуудын үйл ажиллагааг зогсоосон билээ. Хэдийгээр зарим мужид хорио цээрийг сулруулж байгаа ч тус муж дахь тэрбумтан Элон Маскийн Тесла цахилгаан автомашины үйлдвэрийн үйл ажиллагааг зогсоосон хэвээр байх шийдвэрийг эрх баригчид гаргасан байна.

Тиймээс Тесла тус муж дахь удирдах төв байр, Техас, Невада мужууд дахь төлөвлөлтийн хөтөлбөрүүдээ нүүлгэхээр болсон гэдгийг Элон Маск мэдэгдсэн байна. Аламеда хотын захиргаа Теслагийн үйлдвэрийг баасан гарагт дахин нээхээс татгалзсан тул Маск шүүхэд зарга үүсгэхээр болжээ.

Жон Хопкинсын их сургуулийн мэдээлснээр Калифорни мужид коронавирусийн улмаас 2,632 хүн нас барсан байна. Теслагийн үйлдвэр өнгөрсөн гуравдугаар сарын 23-ны өдрөөс хойш хаалттай байгаа юм. Сан Францискогийн ойролцоо Аламеда дахь тус үйлдвэрт 10,000 хүн ажиллаж, жил бүр 415,000 ширхэг машин үйлдвэрлэдэг ажээ.

Эх сурвалж: ВВС

---