АНУ-ын Пенсильвани дахь Питтсбургийн их сургуулийн профессор Бинг Лю Ковид-19 вирусийн судалгаан дээр ажиллаж, чухал баримтуудыг нээж илрүүлээд байжээ. Гэсэн ч өнгөрсөн амралтын өдөр түүнийг санаатайгаар буудаж хороон, аллага үйлдсэн этгээд өөрийгөө буудаж хөнөөснийг илрүүлсэн байна.

Профессор Бинг Лю өнгөрсөн бямба гарагт гэртээ толгой хүзүүдээ буудуулж нас барсан байдалтай олдсон бол түүнийг буудсан этгээд машиндаа эргэж суугаад өөрийгөө хороосон байсан гэж цагдаа нар мэдэгджээ. Мөрдөгчид одоогоор гэмт хэргийн сэдэл, гэмт этгээдийн нэр хаягийг тогтоогоогүй байна.

Хэргийн мөрдөн шалгах явцын дүн албан ёсоор гараагүй ч анхан шатны таамгаар тэд хоёр биенээ мэддэг байсан гэж үзжээ. Питтсбургийн их сургуулиас мэдэгдэл гаргаж профессор Бинг Люд тохиолдсон явдалд гүн эмгэнэл илэрхийлжээ.

Түүний хамтрагчдын ярьснаар Бинг бусдын гарт амиа алдахаасаа өмнө SARS-CoV-2 вирусийн эсийн механизмыг судалж, судалгааны чухал баримтуудыг нээгээд байжээ. Уг ажлыг үргэлжлүүлэн судалж, ажлыг нь гүйцээхээ хамтрагчид нь мэдэгджээ.

Эх сурвалж: CNN

---