Коронавирусийн халдвараар дэлхийд тэргүүлж буй АНУ-д амны хаалт зүүх, нүүрээ халхлахыг уриалж, өөртөө үйлчлэх дэлгүүрүүдэд ч мөн уг дүрэм журмыг чанд сахин хэрэгжүүлж байна.

Калифорни мужийн өмнөд хотод хүнсний дэлгүүрт үйлчлүүлсэн иргэн амны хаалт зүүхийн оронд Ку Клукс Кланы /ККК/ цагаан юүдэн баг буюу цагаан арьстнуудыг хэт дэмжигч үзэн ядагчдын бүлгэмийн бэлгэ тэмдэг болсон хувцсыг сонгожээ. Дэлгүүрийн ажилтан түүнийг багаа тайлахыг шаардсан ч хүлээж аваагүй байна.

Сан Диегогийн цагдаагийн газар уг хэргийг шалгаж, багтай этгээдийг яллаж магадгүй гэжээ. Үзэн ядагчдын бүлгийн баг өмссөн этгээдийг дэлгүүрийн бусад үйлчлүүлэгчид зургийг нь авч, бичлэг хийн олон нийтийн цахим сүлжээнд байршуулсан байна.

Жимс ногоо ууталсан этгээд цагаан өнгийн багны зөвхөн нүдний хэсэгт цоолсон байжээ. ККК бүлгэм нь бараг устсан ч тэдний бэлгэ тэмдгийг америкчууд одоо ч ашигладаг юм.

Өнгөрсөн долоо хоногт Мичиган мужид амны хаалттай үйлчлүүлэхийг шаардсан дэлгүүрийн хамгаалагчийг гэр бүлтэйгээ явж байсан эмэгтэй буудаж хороосон хэрэг гарсан билээ.

Эх сурвалж: CNN

---