Арабын Нэгдсэн Эмирт улсын Шаржах хотод байдаг  Abbco цамхаг өчигдөр шатсан байна. 48 давхар шилэн барилга бүхэлдээ шатсанаас ойр орчимд эвдэрч салсан барилгын хог хаягдал унажээ.

Түймрийг унтраахаар олон арван гал сөнөөгч 10 гаруй дрон машин техник ашиглан ажилласан байна. Одоогоор галын улмаас иргэд амь насаараа хохирсон тохиолдол мэдэгдээгүй.

190 метр өндөр барилга шатах үеэр 10 орчим хүн хөнгөн бэртэл авсныг эх сурвалжууд мэдээлжээ.

Гал унтраах газарт орон нутгийн цагаар мягмар гарагийн орой 21 цагт дуудлага иржээ. Гал сөнөөгчид ойр орчмын таван барилгыг түймэрт өртөхөөс сэргийлж, ажилчид, оршин суугчдыг нэн даруй нүүлгэн шилжүүлжээ.

Эх сурвалж: ВВС

---