Их Британи улсад коронавирусийн халдвараар 29,427 хүн нас барж, 195,000 тохиолдол илэрчээ. Энэ нь халдварын тархалтаар дэлхийд дөрөвдүгээрт, нас баралтаар Европт тэргүүлж эхэлсэн байна.

Итали улсад коронавирусийн халдвараар 29,315 хүн нас барсан нь Европ тивийн хэмжээнд хамгийн өндөр тоо байсан юм. Шинжээчид эдгээр тоог удалгүй дэлхийн ихэнх улсад бүртгэгдэнэ гэж таамаглаж байна. Гэхдээ Их Британи нь Итали улстай харьцуулахад харьцангуй хурдацтайгаар олон мянган хүнээ алдлаа гэж статистикийн судалгааны ахлах Роберт Куфф мэдэгджээ.

Түүнчлэн Их Британи даяар хөл хорио, хорио цээрийн дэглэм тогтооход Ерөнхий сайд Борис Жонсоны зөвлөхөөр ажилласан профессор Нейль Фергюсон үүрэгт ажлаасаа халагдсан байна. Түүний найз бүсгүй хөл хорио тогтоосон хугацаанд хоёр ч удаа Лондонгоор явж гэрт нь зочилсныг хууль дүрэм зөрчсөн явдал гэж үзжээ.

Эх сурвалж: ВВС

---