Жил бүрийн 5-р сарын 3 бол Дэлхийн хэвлэлийн эрх чөлөөний өдөр юм. 1993 оны 5-р сарын 3-нд НҮБ-ын Ерөнхий ассемблейгаас уг өдрийг хэвлэлийн эрх чөлөөний өдөр болгон зарласан байдаг.

Дэлхийн олон улс оронд хэвлэлүүдийг цензурдэж, хэвлэл мэдээллийн агентлагуудад торгууль ногдуулж, хаах, сэтгүүлч, редактор, хэвлэн нийтлэгчдийг дарамталж, дайрч, цагдан хорьж, тэр байтугай алах тохиолдол гарсаар байна.

Тиймээс энэ өдөр хэвлэлийн эрх чөлөөний төлөө тэмцэгчдийг дэмжих, дэлхийн хэвлэлийн эрх чөлөөний байдлыг үнэлэх өдөр юм.

Улмаар засгийн газруудад хэвлэлийн эрх чөлөөний талаарх амлалтаа хүндэтгэхийг сануулж, хэвлэлийн эрх чөлөөний болон мэргэжлийн ёс зүйг баримталж ажиллахыг хэвлэл мэдээллийн ажилтнуудад сануулах өдөр юм.

Хил хязгааргүй алхам сэтгүүлчдийн нэгдлээс коронавирусийн үеийн хэвлэлийн эрх чөлөөний үзүүлэлтийг гаргажээ.

Ингэхэд авторитор дэглэмтэй улсуудад коронавирусийн талаарх үнэн, зөв мэдэлэлийг гаргасан хэвлэлийн эрх чөлөөг хязгаарлах, бүр хаах асуудал ч гарчээ.
 
Энэ үзүүлэлтээр дэлхийн 180 улсаас Иран 173-т эрэмбэлэгдэж, Ирак 162-т, Унгар улс 89-т эрэмбэлэгдсэн байна. Дээрх улсуудын зарим нь коронавирусийн тухай мэдээлсэн хэвлэлийн ажилтанд хариуцлага тооцож, зарим нь Коронавирусийн албадлагын хууль хүртэл баталжээ.
 
Мэдээлэл хүргэхэд 1992-2020 оны хооронд дэлхий дахинд албан үүргээ гүйцэтгэж явсан 1369 сэтгүүлч амь насаа алдаж байжээ. 2020 он гарсаар л гэхэд 6 сэтгүүлч албан үүргээ гүйцэтгэж явахдаа амь насаа алджээ.

---