Богд уулын Зайсангийн ам буюу Соёмботой ууланд өнөөдөр /2020.04.29/ 16.00 цагийн орчимд дахин гал гарчээ.

Тодруулбал, Нийслэлийн онцгой байдлын газарт шар өвс шатаж байна гэсэн дуудлага 15.59 цагт ирсэн бөгөөд энэ дагуу нийслэлийн гал унтраах, аврах, 14 дүгээр ангийнхан галыг 16.20 цагт бүрэн унтраажээ. Галын улмаас нэг га талбай шатсан аж.

Шалтгаан нөхцлийг одоогоор тодруулж байгаа бөгөөд гал түймрийн аюулаас сэргийлж, хуурайшилттай үед шар өвс шатаахгүй байхыг иргэд олон нийтэд анхааруулж байна.

---