Ганцаарчилсан сургалтад суусан насанд хүрээгүй охиныг сургалтын төвийн багш нь буюу лектор П.Эрдэнэтулга хүчиндсэн байж болзошгүй хэрэг шалгагдаж байгаа талаар өнөөдрийн "Засгийн газрын мэдээ" сонин мэдээллээ. Тус сонины сэтгүүлч түүний өмгөөлөгчөөс энэ талаар лавлахад "Хэргийг шалгаж байгаа нь үнэн. Гомдол ирсэн нь үнэн. Мэдүүлэг өгсөн, хуулийн дагуу үнэн, худал нь тогтоогдох байх" гэж хариулжээ. 

Харин бид энэ мэдээллийн талаар цагдаад шалгагдаж байгаа лектор П.Эрдэнэтулгаас тодруулахад "17 настай нэг охины гомдол цагдаад ирсэн юм билээ. Шалгаж байгаа. Би цагдаад тайлбараа өгсөн. Энэ бол гүтгэлэг. Би ганцаарчилсан сургалт хийдэггүй. Хийж байгаагүй" гэсэн хариу өглөө. 

---