АНУ-ын Массачусеттсын ахмад дайчдын халамжийн төвд коронавирусийн халдвар тархаж, 70 орчим иргэн нас барсан талаар мэдээлжээ. Улсын мэдлийн “Холиоке цэргүүдийн гэр” нэртэй халамжийн төвд нас барагсдын тоо нэмэгдсээр байгаа шалтгааныг тогтоохоор албаны хүмүүс ажиллаж байна.

Гэр бүлийнхээ хүмүүсийг удаан хугацааны асрах газарт үлдээсэн иргэд ихээхэн санаа зовж буйгаа илэрхийлжээ. Эндэхийн 68 үйлчлүүлэгч Ковид-19-р халдварлаж нас барснаас гадна бусад 82 үйлчлүүлэгч, 81 ажилтан коронавирусийн халдвар авсныг тогтоосон байна.

Халамжийн төвийн ажилтнууд эрх баригчид вирусийн тархалтанд санаа тавилгүй, хайхрамжгүй хандсан хэмээн буруутгажээ.

Эх сурвалж: The Guardian

---