Улсын онцгой комиссын 20 дахь удаагийн хуралдааныг болж Шадар сайд Ө.Энхтүвшин гарсан шийдвэрийг танилцуулж байна.

Манай хойд хөрш ОХУ-д нөхцөл байдал хүнд болж нийт 87 мянган хүн өвчлөөд байгаа юм. Түүнчлэн АНУ, БНХАУ, БНСУ, Энэтхэг, Япон улсад нөхцөл байдал хүнд хэвээр байна. Сүүлийн үед эхний шинжилгээгээр илрэхгүй 14 хоногийн дараагийн давтан шинжилгээгээр илэрч байгаа юм. Энэ сарын 17-нд манай улс маш өндөр эрсдэлтэй гэж үнэлсэн. Иймд өндөржүүлсэн бэлэн байдлын хугацааг тавдугаар сарын 31-н хүртэл сунгахаар болов. Үүнтэй холбогдуулан гадаадаас ирэх иргэдийг Алтанбулаг боомт, Замын-Үүд боомт, онгоцоор хүлээн авахаар болов. Түүнчлэн БНХАУ-ын иргэд эх орон руугаа явах хүсэлтэй иргэдийг авто замаар гаргана. ОХУ-д сурч байгаа оюутнуудаа ээлж, дараалан татан авах шийдвэр гаргалаа.

Түүнчлэн Мэргэжлийн болон бусад танхимын сургалтын үйл ажиллагааг үе шаттай нээх ажлыг судалч Засгийн газрын хуралдаанаар хэлэлцүүлэн шийдвэрлэхээр болов.

Одоо 10 мянган гаруй иргэн ирэх хүсэлтээ ирүүлээд байна. Элчин сайдын яамны гадаа суулт хийлээ гээд онгоцны тоо нэмэгдэж, энд байгаа эмнэлэг, тусгаарлалтын байрны тоо нэмэгдэхгүй. Энэтхэг, Австрали, АНУ-д нислэг хийж чадахгүй. Байнгын нислэг хийдэг орон руу дамжин ирвэл нислэгт багтаан авах боломжтой. Манай улсын иргэд 57 улсад амьдарч байна.

---