Ѳчигдѳр буюу 04-р сарын 28-нд Орхон аймагт 4 настай хүүхдийг хашаан дотор нь мѳргѳѳд амь насыг нь хохироожээ.

Мөн Говьсүмбэр аймагт 2 автомашин мѳргѳлдсѳний улмаас нэг машинд зорчиж байсан 4 хүн машинтайгаа шатаж нас барсан харамсатай хэрэг гарчээ. 

Дэлгэрэнгүй мэдээлэл хүргэвэл:

Говьсүмбэр аймгийн Шивээговь сумын 2 дугаар багийн “Өехий” гэдэг газар /аймгийн төвөөс урд зүгт 20 км-т/ Улаанбаатар хотоос Дорноговь аймгийн Сайншанд сумын чиглэлд нэг зорчигчтой иргэн Б-ийн эзэмшлийн “Маяти-2” загварын ачааны автомашины араас иргэн О-ын эзэмшлийн 4 зорчигчтой “Бонго жи-2” загварын бага оврын ачааны автомашин мөргөсний улмаас шатжээ.

Уг дуудлагыг цагдаагийн алба, Онцгой байдлын албанд 04.27-ны өдрийн 22:13 цагт ирүүлсэн байна. Тус аймгийн Онцгой байдлын газрын Гал түймэр унтраах, аврах 37 дугаар ангийн алба хаагчид 20 км замыг туулан 22:28 цагт очиж, 5 минут ажиллаж унтраасан. Уг гал түймэрт иргэн О/36 настай, эрэгтэй/, Г /37 настай, эрэгтэй/, О /38 настай, эрэгтэй/, М /40 настай, эрэгтэй/ нар автомашины төмөр эд ангид хавчуулагдан гал түймэрт өртөж нас барсан тул цогцсыг гаргаж Цагдаагийн байгууллагад шилжүүлэн өгчээ.

---