Нийслэлийн хэмжээнд хоёрдугаар сарын 04-ний байдлаар, амбулаторийн 97,433 үзлэг хийгдсэнээс томуу, томуу төст өвчтэй 11,002 тохиолдол оношлогджээ. Энэ нь нийт үзлэгийн 11.3 хувийг эзэлж байгаа өгөөд өнгөрсөн 7 хоногийн дундаж түвшнээс 2.9 хувиар буурсан үзүүлэлт аж.

Нийт өвчлөгсдийн 24.9 хувийг 0-1 нас, 21.4 хувийг 2-4, 20.1 хувийг 5-9, 11.7 хувийг 10-15 насны хүүхдүүд эзэлж байгаа аж.

Нийслэлийн харьяа нэгдсэн эмнэлэг, Эрүүл мэндийн төвийн нийт орны ачаалал хэтрээгүй бөгөөд эмнэлэгт шинээр хэвтсэн өвчтөний 35.1 хувь нь  амьсгалын замын өвчтэй хүмүүс байна хэмээн НЭМГ-аас мэдээллээ.

---