БСШУС-ын сайд Ё.Баатарбилэг хөл хориотой холбоотой боловсролын салбарт үүссэн асуудлууд, эцэг, эхчүүд, сургуулиудаас тавьж байгаа саналуудын талаар өнөөдөр дэлгэрэнгүй мэдээлэл өглөө.  

Гарсан шийдвэрийг талаарх онцлох мэдээллийг хүргэе. 

-Дөрөвдүгээр сарын 14-ний байдлаар дэлхийн 192 улс сургууль, цэцэрлэгээ бүхэн хаагаад байна. Нэлээдгүй орон хэсэгчлэн хаасан. 1.7 тэрбум сурагч танхимаар бус, цахимаар хичээллэж байна. Энэ нь нийт суралцагсдын 91,3 хувь юм. 

-Манай улс есдүгээр сарын 1 хүртэл сургууль, цэцэрлэгийн үйл ажиллагааг хойшлуулсан. Төгсөгчдөөс авдаг монгол хэл, бичгийн шалгалтыг энэ жил өнжинө. 

-Теле хичээлийг зургадугаар сарын 1 гэхэд дуусгавар болгоно. Теле хичээлийг эцэг, эхчүүдийн зарим нь чанаргүй зааж байгаа талаар гомдол гаргасныг хүлээн авах боломжгүй. Ер нь, эцэг, эхчүүд, сурагчдын хамтын хүчээр энэ бүхнийг даван туулах ёстой. 

-4,5 дугаар саруудад багш нарын мэргэжил дээшлүүлэх сургалтыг зохион байгуулна. Энэ сургалтад 4,500 багш бүртгүүлсэн. Одоогоор 1,800 багш хамрагдаад байна.

-Нийт сурагцагчдыг 100 хувь анги дэвшүүлнэ. Хоёрдугаар улирлын дүнгээр жилийн эцсийн дүнг тооцож гаргана. 

-12-р ангийн хүүхдүүдээс монгол хэлний шалгалт авахгүй өнжөөх шийдвэр гаргасан.

-Сурагчдаас авсан эд зүйлсийг 4 сардаа багтаан буцааж олго. Дотуур байрны сурагчдын эд зүйлсийг 5 сарын 15-ны дотор олго гэдэг чиглэлийг өгсөн. 

-Энэ жил сургааль, цэцэрлэгт засвар хийхгүй. Анги засварын мөнгө эцэг, эхчүүдээс авахгүй. 

-2020-2021 оны ЭЕШ-ын босго оноог төрийн их, дээд сургуулиудад 480 байхаар тогтоосон. 

-Өмнө нь төгсөгчдийн дипломыг наймдугаар сарын 15 гэхэд олго гэж ярьсан. Үүнийг наашлуулж, 6 сарын 15-нд олгох салбарын сайдын тушаал гарсан. Эцэг, эхчүүд болон сургуулийн удирдлагуудаас санал ирсний дүнд ингэж өөрчиллөө. 

-2019-2020 оны хаврын улирлын сургалт, диплом хамгаалалт, төгсөлтийг 2020 оны зургаадугаар сарын 20-ны дотор цахим хэлбэрээр зохион байгуулна.

-Энэ жил хонхны баярыг тэмдэглэхгүй. Хүмүүс бөөгнөрүүлэхгүй байх дээр сургуулийн удирдлагууд анхаарах шаардлагатай. 

-Их, дээд сургуулийн элсэлтийг 2020 оны долоодугаар сарын 10-ны дотор орон даяар цахимаар зохион байгуулна.

-Цэцэрлэг, сургуулийн засварыг энэ жил зогсооно. Эцэг, эхчүүдээс засварт зориулт мөнгө хураахгүй.

-Сургуулийн номын сангаас авч хэрэглэж байгаа номыг хураах, хүүхэд шинээр бүртгүүлэх үйл ажиллагааг наймдугаар сарын хоёрдугаар хагаст зохион байгуулна.

 

 

---