УИХ-ын чуулганын үдээс хойших хуралдаанаар УИХ-ын гишүүн Б.Батзоригийг чөлөөлөх эсэхийг үргэлжлүүлэн хэлэлцэж байна. 

УИХ-ын гишүүн Б.Батзоригийг чөлөөлөх саналыг Төрийн байгуулалтын байнгын хороо дэмжсэн. УИХ-ын үдээс өмнөх хуралдаанаар санал асуулгыг нууц санал хураалтаар явуулахаар болж УИХ-ын гишүүн Ж.Бат-Эрдэнэ, Д.Лүндээжанцан, Г.Мөнхцэцэг, Б.Бат-Эрдэнэ, Д.Тэрбишдагва нарын гишүүдээс бүрдсэн ажлын хэсэг байгуулсан юм. Нууц санал хураалтыг цаасаар явуулсан ба саналаа нэгтгэснээр 52 гишүүнээс 27 нь дэмжлээ. Ингэснээр УИХ-ын гишүүн Б.Батзориг чөлөөлөгдөж, МАН-ын бүлэг 62 гишүүнтэй боллоо. 

УИХ-ын чуулганы дараагийн хэлэлцэх асуудал бол Архив, албан хэрэг хөтлөлтийн тухай хуулийн шинэчилсэн найруулгын төсөл юм. 

---